బయటపడిన మహానగరం - గుజరాత్ సముద్ర తీరాన

ప్రపంచ ప్రాచీన నాగరికత,చరిత్ర గురించి ప్రపంచ చరిత్రకారులు, మేధావులు కట్టిన పునాదులు కదిలిపోయేటంత ఒక గొప్ప సంఘటన 2002 లో గుజరాత్ లో జరిగింది. గుజరాత్ తీరానికి 30కి.మీ దూరంలోని కాంబే సింధుశాఖ వద్ద సముద్ర గర్భ ఫోటోలు కొన్ని తీసినప్పుడు (National Institute of Ocean Technology ఆధ్వర్యంలో )కొన్ని అత్యత్భుత చిత్రాలు కెమెరాలకు చిక్కాయి.(యివి సరస్వతీ, రామసేతు ఫోటోలు కావు).

అవి ఒక మహా నగరం అవశేషాలు .
125 అ. లోతులో, 9కి.మీ. పొడవునా విస్తరించి కళాత్మకమైన విశాలవేదికలు, తీర్చిద్దిన సువిశాల స్నానశాలలు, భారీ ధాన్యాగారాలు, క్రమపద్దతిలో అందంగా బారులు తీర్చి నిర్మించిన ఇళ్లు ఎంతో చూడముచ్చటగా వుంది ఆ నగరం.

గుజరాత్ కి ఉత్తర వాయవ్య తీరాన వెలసిన ద్వారకాధీశుని ఆలయం దగ్గిర సముద్ర గర్భంలో యీ అవశేషాలు బయటపడ్డాయి. యివి యే హరప్పా,ఈజిప్టు నాగరికతలకు సంబంధించో కాదు. కార్బన్ డేటింగ్ కోసమని శాంపిల్స్ పంపారు. రిపోర్టులు రానే వచ్చాయి. అంతే . ప్రపంచమేధావి వర్గం ఒక్కసారిగా ఉలిక్కిపడింది . కారణం అవి క్రీ.పూ.7500 యేళ్ల కిందటిదని తేలటం. ఒక్కసారిగా కలకలం బయలుదేరింది. చరిత్రకారులు దుమ్ము పట్టిన చరిత్ర పుటల్ని దులిపి హడావుడిగా సమావేశమయ్యారు. గణిత మేధావులు చరిత్రలలోని లెఖ్ఖలనెలా సరిచేయాలో అర్థం కాక తలలు పట్టుకున్నారు. అత్యధిక సంఖ్యాకులు విద్యాగంధం లేక దారిద్ర్యంలో అలమటించే ఈ దేశంలో జన బాహుళ్యానికి చరిత్ర, ప్రాచీన నాగరికతల గురించి ఆలోచించే తీరికా, కోరికా లేవు కాబట్టి, ఈ కొత్త సమస్య ముఖ్యంగా చరిత్రకారుల్ని ,మేధావుల్ని పట్టి పీడించింది.

అసలేం జరిగింది ?!

1. ప్రపంచంలో అన్ని జాతులు ఆటవిక దశలోనే మగ్గుతున్నప్పటి కాలంలోనే మన దేశంలో ఇలాంటి మానవ నిర్మిత అద్భుత కట్టడాలున్నాయంటే చరిత్రని పునర్ లిఖించుకోవాల్సిందే . అందుకే ప్రపంచం నిర్ఘాంతపోయింది.

2. కొందరు మేధావులు లెఖ్ఖలేసి మరీ తేల్చి ఒక మహా సంచలనానికి నాంది పలికారు .
ఆ మహా నగరం ఇందేదో కాదు.

శ్రీ కృష్ణుడి 'ద్వారకా ' !!

[To Be Contd...]