నేను మీకు స్వాతంత్ర్యాన్ని యిస్తాను !!

'కామ్రేడ్స్!
నాకు రక్తాన్నివ్వండి. నేను మీకు స్వాతంత్ర్యాన్ని యిస్తాను.

మీరు జీవితంలోనూ మరణంలోనూ నన్ను అనుసరిస్తే నేను మిమ్మల్ని స్వాతంత్ర్యం వైపు నడిపిస్తాను. స్వతంత్ర భ్రారతదేశాన్ని చూసేందుకు మనలో ఎందరం బ్రతికుంటామో తెలీదు. స్వతంత్ర్యం కావటం ముఖ్యం. '


మాటలు నిప్పులు చిమ్మే శతఘ్నితూటాల్లా వెలువడుతున్నాయి.
సైనికుల రక్తనాళాల్లో మరిగే లోహాలేవో ప్రవహిస్తున్నాయి.
అపారమైన మానవీయ కారుణ్యాన్ని అంతు తెలియని ఆధ్యాత్మిక శాంతినీ,
కణకణమండే విప్లవ దీప్తినీ ప్రసరిస్తున్న ఆ నేత్రాలు వీక్షకుల్ని సమ్మోహితులి చేస్తున్నాయి.

ఎవరితడు?

శతాబ్దాల నిరీక్షణ ఇతడికోసమేనా?
భరతమాత శృంఖలాలను తెంచివేసే కారణజన్ముడు ఇతగాడేనా?
మాతృభూమి విముక్తికి ప్రజా అక్షౌహిణులను కదిలించి, కదనవేదికపైన
కవో ష్ణ రుధిర ధారలను కురిపించే విప్లవయజ్ఙమా ఇతగాడి మహత్తర సంకల్పం.